Endamê Koordînasyona Komalên Ciwan Çiya Rizgar (Arjen Yavûz) yê 25’ê Tebaxê ji ber nexweşiyê şehîd bûbû, li Kobanê hat bibîranîn. Bîranîn bi pêşengiya Tevgera Ciwanên Şoreşger a Kantona Firatê li Goristana Şehîd Dîcle hat lidarxistin. Malbatên şehîdan û ciwanên Kantona Firatê tevlî bîranînê bûn.
Bîranîn bi rêzgirtina ji bo giyanê şehîdan dest pê kir. Piştî rêzgirtinê Rêveberiya Tevgera Ciwanê Şoreşger a Kantona Firatê Şevger Mehmûd axivî. Mehmûd diyar kir ku wê bi hezaran ciwan dewsa Rizgaran bigrin û got: “Em weke tevgera ciwana em soz didin ku em ê rêya şehîdan bişopîn in. Şehîd Rizgar bi fedayî li hemberî her cure qirkirinê serî hilda û bêyî rawestandin berxwedaniyeke dîrokî meşand. Îro jî em soz didin Rizgaran ku em ê xeta wî ya azadiyê bişopîn in û wê bi hezaran dewsa Rizgaran bigrin.”
Piştî axaftinan li ser jiyana Çiya Rizgar sînevîzyon hat pêşandan. Di bîranînê de li dora wêneyê şehîd find hatin vêxistin û dirûşme hatin berzkirin.
Bîranîn bi dirûşmeyên “Şehîd namirin” bi dawî bû.
