Êrîş li nuqteyekî qerebalix ê navenda Belûcîstanê pêk hat. Teqîn li derdor rê li ber panîkekî mezin vekir, gelek ambûlans û hêza ewlehiyê sewqî herêmê hatin kirin. Birîndaran rakirin nexweşxaneyên li derdor û hate ragihandin ku rewşa hînek ji wan giran e.
Wezîrê Karên Hundurîn ê Belûcîstanê Hamza Şafqat diyar kir ku di êrîşê de herî kêm 38 kes birîndar bûne û 15 kes jî jiyana xwe ji dest dane. Şafqat got ku êrîşkar li rawestgeha otubusê ya stadyumek werzîşê ku bi sedan endamên Partiya Neteweyî ya Belûcîstanê lê kom bûbûn, 8 kîlogram teqemenî teqandiye.
Rayedarên eyaleta Belûcîstanê ragihandin ku êrîş sivîlan hedef girtiye û derbarê bûyerê de lêpirsînekî berfireh dane destpêkirin. Tedbîrên ewlehiyê yên li herêmê hatin zêdekirin. Hikûmeta Pakîstanê êrîşê şermezar kir û peyama, “Têkoşîna li dijî terorê wê dewam bike” da.
Êrîşa ku DAÎŞ’ê li xwe girt, bû nîmûneyek nû ya bûyerên tundiyê yên li Belûcîstanê zêde dibin. Eyaletê gelek caran bi pevçûnên etnîkî û êrîşên rêxistinên radîkal tê rojevê.
