Di civîna gel a li Umraniye ya Stenbolê ya ji aliyê KAYY-DER ve hatî lidarxistin de, têkildarî naskirina ziman û nasnameya Kurdî û pêvajoyê peyam derketin pêş.
Serokwekîla Koma DEM Partiyê Gulistan Kiliç Koçyîgît, Parlamenterê DEM Partiyê Omer Faruk Hulaku, nûnerên rêxistinên civakî yên sivîl û gelek welatî beşdarî civînê bûn.
Beşdaran daxwaza xwe ya ji bo ku Kurdî bibe zimanê fermî û perwerdeyê dubare kirin.
Serokwekîla Koma DEM Partiyê Gulistan Kiliç Koçyîgît îşaret bi saleke Pêvajoya Aştî û Civaka Demokratîk kir û destnîşan kir ku bangên Rêber Apo diyarker in.
Gulistan Kiliç Koçyîgît diyar kir ku komîsyona li Meclîsê divê bi Rêber Apo re hevdîtinê bike û got, “Ji bo ku komîsyon bi Birêz Ocalan re hevdîtinê bike, divê Serokê Meclîsê Nûman Kurtulmuş jî tişta dikeve ser milê xwe pêk bîne.”
Gulistan Kiliç Koçyîgît ragihand ku pêvajo bi têkoşîna gelê Kurd pêş ket û operasyonên li dijî CHP’ê jî weke “sabotaja li dijî pêvajoya aştiyê” nirxand.
Gulistan Kiliç Koçyîgît bal kişand ser banga Komîteya Wezîran a Konseya Ewropayê ya “mafê hêviyê” û got, “Îro tişta dikeve ser milê me ew e ku em ji bo azadiya fîzîkî ya Birêz Ocalan li her derê têbikoşin.”
