Bi pêşengtiya Beşa Biylojiyê ya Zanîngeha Silêmaniyê, Yekemîn Konferansa Navneteweyî ya Jîngehê bi sernavê ‘Eko Kurdistan Yek’ li Zanîngeha Silêmaniyê hate destpêkirin. Konferans wê du rojan bidome.
Yek ji organîzatorên konferansê Mamosteya Zanîngehê Rêzan Omer têkildarî konferansê ji Rojnews’ê re axivî û got: “Wekî Beşa Biyolojiyê ya Zanîngeha Silêmaniyê, me pêşniyar kir ku konferansek navneteweyî li ser pirsgirêkên jîngehê were lidarxistin û tê de çend lêkolînên herêmî û biyanî di çend panelan de werin pêşkêş kirin. Di konferansê de wê lêkolînên li ser bandorên qirêjiya jîngehê, guherîna avhewayê, rêveberiya çavkaniyên avê û bi çareseriya nanoteknolojiyê werin pêşkêşkirin. Her wiha çend panelek ji bo başkirina rola di parastina jîngehê de wê panel were lidarxistin.”
Konferans dê du rojan bidome. Xwendekarên zanîngehê bi pêşangehekê beşdarî konferansê bûn da ku xeteriyên qirêjiya jîngehê nîşan bidin û çawaniya çareserkirina wê nîşan bidin.
Eko Kurdistan Yek yekemîn konferansa navneteweyî ya jîngehê ye. Armanca wê ji bo dabînkirina çareseriyek domdar ji parastina biyolojîk re, rêveberiya çavkaniyên avê û geştyariyê bixebite, her wiha bersivê bide bandorên qirêjiya jîngehê û guherîna avhewayê ye.
