Hêzên hikûmeta demkî îro (Sêşem, 21’ê Cotmeha 2025’an) carek din rêya Tebqa –Selemiyê ku herêmên Bakur û Rojhilatê Sûriyeyê bi deverên din ên Sûriyeyê ve girêdide, li pêşiya bi hezaran rêwiyan girt.
Hêzên hikûmetê beriya niha 14 rojan deriyê Tebqa- Selemiyê girtibû û 20’ê Cotmehê jî car din vekiribû.
Ji dîmenên ku ajansa me bi dest xistine, xuya dibe ku bi sedan erebeyên rêwiyan li benda kontrolê ya hêzên hikûmeta demkî ya li xaçerêya Zekiye ya nêzî bajarokê Asreya ya gundewarê Hemayê sekinîne.
Hevserokê Yekitiya Ajokaran a Kantona Reqayê Hesen Xabûr ji ajansa ANHA’yê re diyar kir ku hêzên hikûmeta demkî careke din rê bi bendên axî girt û di encamê de erebe li bendê kom bûne. Xabûr da zanîn ku rêwiyan nerazîbûn nîşanî vê biryara ji nişka ve da û di navbera wan û hêzên hikumetê yên li ser bendên de pevçûn derket.
Hikumeta demkî der barê girtina rê de tu daxuyanî nedaye.
