Ji bo gerîlayê HPG’ê Sinan Can (Zagros Med) ku di 5’ê Mijdara 2022’yan de li Herêmên Parastinê yên Medyayê şehîd bû, li gundê Azo yê navçeya Milazgirê ya Mûşê konê sersaxiyê hate danîn.
Konê sersaxiyê bi pêşengtiya Komeleya Alîkarî û Piştevaniya bi Malbatên Xizmên Xwe li Dergûşa Şaristaniyê Winda Kirin re (MEBYA-DER) hate danîn û li gel partoyên siyasî û nûnerên rêxistinên civakî gelek kes beşdarî sersaxiyê bûn
Girseya ku di têketina gund de kom bû, heta cihê sersaxiyê meş li dar xist û girse, bi çepikan hate pêşwazîkirin. Parlamentera Partiya Wekhevî û Demokrasiyê ya Gelan (DEM Partî) ya Mûşê Sumeyye Boz di sersaxiyê de axivî û got: “Heke ne ji şehîdan bûya, me nedikariya bêhnê jî bistînin. Em her tiştekî xwe ji bo wan deyndar in. Wan canê xwe feda kirin û rêya me vekirin.”
Seredana ji bo konê sersaxiyê, piştî dia û xwestina sersaxiyê ya ji malbatê re bi dawî bû.
