Meclisa Sûriya Demokratîk (MSD) bi hevkariya Partiya Sûriya Pêşerojê civîneke girseyî ji pêkhateyên bajarê Til Temirê yê kantona Cizîrê re li dar xist. Civîn bi armanca şopandin û nîqaşkirina pêşdeçûnên dawî yên siyasî hat ldiarxistin.
Civîn li hola Kinêr a bajarê Til Temirê bi amadebûna dehan şêniyên ji pêkhateyên Til Temirê yên Ereb, Kurd, Suryan, Asûrî, rûspiyên eşîran, endamên rêxistinên civaka sivîl û kesayetên civakî hat organîzekirin.
Hevserokê MSDˊê Mehmûd El Mislit, berpirsê Nivîsgeha Têkiliyên Dîplomasî ya MSDˊê Hisên El Ezam û endamên Nivîsgeha Siyasî ya MSDˊê Wail Mîrza civîn bi rê ve bir.
El Mislit diyar kri ku bêyî lihevkirineke niştîmanî ya berfireh, diyaloga Sûrî-Sûrî ya rasteqîn ne pêkan e Sûriyeyê ji nû ve were avakirin û projeyên ji derve ve tên ferzkirin an jî yên ku beşek ji Sûriyeyiyan bi dûr dixin tenê krîzê kûrtir dikin.
El Mislit anî ziman ku diyalog rêya yekane ya derketina ji krîza heyî ye û MSDˊê vê armancê dixe rojeva xwe ya sereke, xebatên xwe yên vekirina deriyên diyalogê bi tevahî hêzên niştîmanî re didomîne.
El Mislit da zanîn ku her projeyek siyasî ji bo Sûriyeyê were pêşkêşkirin, divê mafên tevahî pêkhateyan misoger bike, pirrengiya Sûriyeyê ya çandî, irqî û olî biparêze û dûrxistina pêkhateyekê dewleta Sûriyeyê bi giştî lawaz dike.
El Mislit di dawiyê de got: “Ger em bi rastî dixwazin şer û krîzê bi dawî bikin, divê em berjewendiya Sûriyeyiyan di ser her tiştî re bigirin. Projeya me zelal e; lihevkirina niştîmanî ya berfireh, diyaloga Sûrî-Sûrî, dewleta demokratîk a nenavendî ku rûmeta hemwelatiyan biparêze û ji nifşên bê re welatekî aram misoger bike.”
Piştre beşdaran pirsên der barê siberoja herêmê, rêbazên geşkirina ewlehî û xizmetguzariyan, rola saziyên siyasî di rûbirûbûna astengiyên aborî de kirin û hat gotin ku girîng e tevahî şênî di biryardana ku girêdayî herêmê de be, beşdar bibin.
Di dawiyê de pirs hatin bersivdan û hat gotin ku pêdiviya pêvajoya bê bi bilindkirina asta diyaloga siyasî û civakî û yekirina hewlên parastina aramiya herêmê, heye
