Meşa ku bi dirûşmeya “Li Dersimê ji çetebûn, fuhûş û hişbirê re na” hat lidarxistin rêxistinên jinan, nûnerên civaka sivîl, partiyên siyasî û gelek welatî beşdar bûn.
Di meşê de timî dirûşmeyên “Ji çetebûn, fuhûş û hişbirê re na”, “Dersim rûmet e, xwedî li rûmeta xwe derkeve”, “Em ê rê nedin çeteyan” û “Jin jiyan azadî” hatin berzkirin.
Nûnera BES’ê girêdayî KESK’ê ya Dersimê Songul Yildiz daxuyaniya ku li ber Bazara Binerd hat dayin, xwend.
Songul Yildiz diyar kir ku Tirkiye her ku diçe dibe xeta veguhestina bazirganiya hişbirê ya navneteweyî û got, “Em di serdemeke ku ‘pereyên qirêj’ ên çavkaniya wê nayê zanîn vediguherînin sermayeyê, çete li kolanan hevdu înfaz dikin, çeteyên herêmî derdikevin holê û mafyatî bûye ji rêzê de derbas dibin.”
Songul Yildiz anî ziman ku ciwan ji ber xizanî, bêkarî û bêhêvîtiyê neçar dimînin ku koçî Ewropayê bikin, întîxar dbikin an jî dikevin nav lepê hişbirê.
Songul Yildiz destnîşan kir ku kesên navdar û fenomen ên medyaya dîjîtal bi pereyên qirêj dewlemend bûne, ji ber bêcezatiyê jiyaneke luks dijîn û ciwanan ber bi fikra “pereyên hêsan” ve dibin.
Songul Yildiz bi bîr xist ku jin beşa herî berxwedêr a civakê ne û krîza aborî ya kûr wan dixe nav lepên xizanî û bêhêvîtiyê. Songul Yildiz anî ziman ku di rewşên bêkarî, zehmetiyên aborî û piştgiriya malbatê ya qels de jin dibin hedefa çeteyan.
Songul Yildiz anî ziman ku Dersim demek dirêj e bi binesaziya ewlehî û îstîxbaratê ya bihêz tê nasîn û bi bîr xist ku demek dirêje li bajêr tespîtnekirina tora fuhûşê, nabe bi “îhmalkariya ji rêzê” were ravekirin. Songul Yildiz li gorî agahiyên ku di çapemeniyê de derketine, jin bi rêbazên deyndarî, soza kar û hwd. têne xapandin û dixin nav fuhûşê.
BANGA HEVGIRTINÊ
Jinan banga têkoşîna hevpar li hemû sazî, rêxistin û welatiyên li bajêr kirin. Songul Yildiz di axaftina xwe de bang li jinên ku ji ber zilm û gefan bêdeng mane kir û got,
“Em bi bîr dixin ku ji bo parastina rêxistiniya civakî û ciwanan berpirsyariyeke dîrokî dikeve ser milê her kesî û saziyan. Em bang li jinên ku neçarî tariya fuhûşê tên kirin, jinên ku ji tacîz û zilma ku ew pê re rû bi rû ye bêdeng dimînin, dikin. Hûn ne mecbûrî vê rizandinê ne, hêzên demokratîk ên vî bajarî û em jin bi we re ne! Heta ku em bi hev re têbikoşin, em ê vê tarîtiya ku li ser me hatiye ferzkirin belav bikin.”
