Navenda Ragihandinê ya Hêzên Sûriyeya Demokratîk (QSD) li ser rewşa ewlekariyê ya li bajarê Tebqa û derdora wê daxuyaniyek weşand.
Di daxuyaniyê de hate ragihandin ku hêzên QSD’ê li Tebqayê sê kes girtin ku gule berdidan malên sivîlan, bi vî rengî hewl didan tevlîheviyê bikin û ewlehiyê têk bibin. Hate gotin, têkildarî kesên hatin binçavkirin karê pêwîst hate destpêkirin û ewlehî û aramiya li bajêr ji nû ve hate pêkanîn.
Navenda Ragihandinê ya QSD’ê diyar kir ku ji bo rabûna li ber êrişan û bicihanîna ewlehiya gel, hêzên wan niha li bajarokê Mensûrayê li dijî komên çekdar ên ser bi Şamê ve şerekî giran dikin.
