– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar dê werin şopandin.
– Çalakiyên ku li Kurdistan, Tirkiye û Ewropayê li dijî êrîşên li Rojava hatine kirin dê werin şopandin.
– Endama Koordînasyona PAJK’ê Evîndar Ararat derbarê êrîşên li ser Şoreşa Rojava axivî û got, “Bi van êrîşan dixwazin hemû destkeftiyên gelê me ji holê rakin. Ji me re dibêjin; an mirin an teslîmbûn. Ew nikarin teslîmbûnê bi me bidin qebûlkirin.”
– DEM Partî wê Civîna Koma Meclisê li ser sînorê Nisebînê-Qamişlo li dijî êrîşên çeteyên HTŞ’ê ku ji hêla dewleta Tirk ve têne piştgirîkirin li ser Bakur û Rojhilatê Sûriyeyê li dar bixe.
– Şêniyên Rihayê li dijî êrîşên çeteyên HTŞ’ê ku ji hêla dewleta Tirk ve têne piştgirîkirin li ser Kurdên li Rojava nerazîbûn û bertek nîşan dan, banga helwestek hevpar û yekîtî li her çar beşên Kurdistanê kirin.
– Hevberdevka Înîsiyatîfa Yekîtiya Demokratîk Gulcan Kaçmaz Sagyîgît diyar kir ku divê polîtîkayên qirêj ên li dijî gelê Kurd li her deverê werin eşkerekirin û got ku êrîşên li ser Rojava hestek yekîtiya neteweyî derxistiye holê.
– Gelê Kobanê ji bo parastina bajarê xwe çek hildan û gotin ku Kobanê ya ku di sala 2014’an de ji çeteyên DAÎŞ’ê re bû gristan, wê vê carê bibe goristana çeteyên girêdayî hikûmeta demkî ya ku ji hêla dewleta Tirk a dagirker ve tê piştgirîkirin.
– Thomas Portes destnîşan kir ku bêdengiya civaka navneteweyî li hember êrîşên li ser Rojava nayê qebûlkirin û got, “Divê Ewropa û cîhan li kêleka gelê Kurd bisekinin; em nikarin xiyanetê li kesên ku me ji DAÎŞ’ê parastin bikin. Divê ji bo parastina Rojava tedbîr werin girtin.”
