Hêzên Sûriyeya Demokratîk (QSD) têkildarî êrişên ser bejahiya Kobanê daxuyaniyeke nivîskî weşand. Di daxuyaniyê de wiha hate gotin: “Komên girêdayî Şamê îro di danê sibehê ji saet 03.00’yan heta 06.00’ê du caran li eniya Sirînê hewl dan êriş bikin. Hêzên me bi dilwêrekî bersiva van êrişan dan.”
Di daxuyaniyê de hate gotin, di şer de gelek wesayîtên bi zirx hatin îmhakirin û gelek endamên van koman hatin kuştin. Bi domdarî hate gotin: “Hêzên me yên li eniya Abu Serê, li dijî konvoyeke van koman êrişeke serketî kirin.. Di encamê de ev kom neçar ma ku bireve. Li dijî hewldana pêşketinê ya li gundê Han Mamidê ya li başûrê Kobanê jî me bersiv da.”
