Zindana El Eqtan li barê Reqayê ye û nêzî 2 hezar çeteyên DAÎŞ`ê li wir têne ragirtin. Girtîgeh ji18`ê Çileyê ve ye rastî êrişên çeteyên hikûmeta demkî ya Sûriyeyê tê. Şervanên QSD û YPJ û Yekîneyên Antîterorê hem li dijî êrişan li ber xwe didin, hem jî rê li ber reva çeteyên DAÎŞ`ê digirin.
Tevî bangên berdewam ên li hêzan ji Koalîsyona Navneteweyî û hêzên navneteweyî yên têkildarî pêşîgirtina reva çeteyên DAIŞ`ê ya ji ber van êrişan jî heta niha tu bersiv nehatine dayîn.
Her wiha girtîgeh rastî êrişa droneke Tirk hat ku di encamê de ziyana madî çêbû. Bi vê êrişê re çeteyan xwest di hundirê girtîgehê de tevliheviyê pêk bînin, lê ev yek di demeke kurt de hat kontrolkirin.
QSD`ê roja Duşemê ragihand ku çend şervanên wan di encama êrişên berdewam ên li ser girtîgeha El Eqtanê de şehîd bûne û destnîşan kir ku girtîgeha El Eqtanê yek ji navendên girtinê yên herî navdar ên çeteyên DAÎŞ`ê ye.
Îro hêzên ku zindanê diparêzin bang li civata navneteweyî kir ku tavilê tedbîran bigirin. Şervanan soz dan ku ew ê gelê xwe bi her awayî ji terorê biparêzin.
