Êrîşên çeteyên girêdayî HTŞ’ê ku ji hêla Tirkiyeyê ve têne piştgirîkirin li ser Rojava berdewam dikin. QSD’ê ferzkirina teslîmbûnê yên Şamê qebûl nekir, banga seferberiyê li herêmê kir, di heman demê de gel xwe çekdar kir û tîmên xweparastinê li kolanan ava kir. Gelê Kurd û dostên wan di çarçoveya banga seferberiyê de li her deverê ku lê ne, çalakiyên xwe li kolanan didomînin. Serokê Baroya Amedê Abdulkadîr Guleç diyar kir ku êrîşên dawî li Sûriyeyê rasterast sivîlan hedef digire û ev bûyer bi xwe re xetera şerekî navxweyî yê nû tîne û got, “Li cihekî ku sivîl lê tên kuştin avakirina aştî û demokrasiyê pir zehmet e, heta ne pêkan e.”
‘DIVÊ MAFÊN KURDAN BI DESTÛRÎ Û NAVNETEWEYÎ WERE MISOGERKIRIN’
Guleç anî ziman ku Kurd, Ereb, Tirkmen, Suryanî û Durzî xwediyên rastîn ên Sûriyeyê ne û got, “Divê ziman, çand an dîroka tu gelî neyê paşguhkirin; divê nasnameyên wan bi destûrî werin misogerkirin û divê ev yek bi navneteweyî were misogerkirin. Kurd, mîna gelên din, hêmanek damezrîner a resen a Sûriyeyê ne. Divê rêz nîşanî mafê wan ê pêşeroja xwe ava bikin.
Guleç destnîşan kir ku divê mafê zimanê dayikê û naskirina rêveberiyên herêmî ji hêla civaka navneteweyî ve were pejirandin.
