Daxuyaniya Heyeta Îmraliyê bi vî rengî ye:
“Ji çapemenî û raya giştî re
Di 28’ê Tebaxa 2025’an de me li Îmraliyê bi Birêz Ocalan re hevdîtinek ji 3 saetan pêk anîn. Tenduristiya Birêz Ocalan gelekî baş bû û bi moral bû.
Di hevdîtinê de li ser asta heyî ya pêvajoya Aştî û Civaka Demokratîk nirxandinên berfireh kir. Anî ziman ku pirsgirêkên heyî di asta kangrenê de ne ku pêwîstî bi destwerdaneke cerrahî ya taybet pê heye, lewma wan bi vê hesasiyetê pêvajo meşandine û gihandine vê astê. Got, armanca me ew e ku vê pêvajoya bi êş û giran bi dawî bikin, ji bo vê jî me xwest, çi ji destê me tê, bikin.
Destnîşan kir ku civaka demokratîk, aştî û entegrasyon sê têgehên esasî û diyarker ên vê pêvajoyê ne, li er vê bingehê dikarin bigihêjin encamê. Anî ziman ku pêwîstî bi qonaxeke nû heye ku ji her alî ve gav bêne avêtin.
Birêz Ocalan got, daxwaz û tercîha wî her tim komara demokratîk û entegrasyona li ser bingeha civaka demokratîk e; eger ev pêngava stratejîk bê fêhmkirin û xwedî lê bê derketin wê temamiya Tirkiye ji vê yekê qezenç bike.
Hin derdorên siyaset û çapemeniyê hewl didin vê tercîhê sivik nîşan bidin an jî tine bihesibînin. Eşkere ye ku nêzîkatiyên bi vî rengî zerarê dide vê pêvajoyê.
Bi vê wesîleya careke din baweriya xwe ya mezin a bi aştî û dostaniya bêdawî ya gelan anî ziman.
Silav û hurmet
Heyeta Îmraliyê ya DEM Partiyê.”
