Qubad Talebanî têkildarî êrişên çeteyan yên li ser Kurdan û Rojavayê Kurdistanê got; “Em ji cîhan û serdestan naxwazin ku me biparêzin, di şûna wê de, em tînin bîra wan ku ev ne cara yekeme ku ew li dijî Kurdan piştgirî didin dijberên Kurd. Ev êrişek li ser rûmeta Kurdane, ku zêdetirî 12 salane li ser navê tevahiya cîhanê li dijî terorê şer dikin.”
Cîgirê Serokwezîrê Hikûmeta Herêma Kurdistanê Qubad Talebanî di peyamekê ku li ser platforma xwe ya Facebookê a têkildarî êrişên çeteyan yên li ser Rojavayê Kurdistanê, bêhelwestiya navnetewî a li beramberî komkujiyên li ser gelê Rojava tê kirin wiha got; “Em Kurd ji cîhan û rayedaran naxwazin ku me biparêzin, di şûna wê de, em tînin bîra wan ku ev ne cara yekeme ku ew li dijî Kurdan piştgirî didin dijberên Kurd, her carê piştî salan ew fêr bûne ku ew êş kişandine, tenê ji bîr neke ku wan carekê piştgirî da rejîma Baasê li dijî Kurdan. Lê Kurd man û Baas bi cîhanek tijî trajedî û tawan tune bû.”
Talebanî eşkere kir ku em bi wijdanî ji her kesî re tînin bîra xwe ku ev ne tenê êrişek li ser Rêveberiya Xweser û Rojavayê Kurdistanê ye, ew êrişek li ser rûmeta Kurdan li tevahiya cîhanê ye, ku li dijî terorîzmê şer kirine û bê cudahî gelê Sûriyê parastine.
Di dawiyê de, Cîgirê Serokwezîr Qubad Talebanî got: “Em bi hesta hevgirtinê ya hemû Kurdan serbilindin û ev jî yekane garantiya hebûna me ye ku em bi erkê xwe dizanin ku em her hewlekê bidin daku alîkariya xort û keçên xwe yên wêrek yên li Rojava bikin, vê rewşa dijwar û tevlihev rawestînin, rewşê asayî bikin û mafên wan di çarçoveya destûra herdemî de misoger bikin.”
