– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Çalakiyên ku li Kurdistan, Tirkiye û Ewropayê li dijî êrîşên li Rojava hatine kirin wê werin şopandin.
– Ezio Menzione diyar kir ku komên çete yên girêdayî hikûmeta Şamê bi piştgiriya Tirkiyeyê di warê hiqûqa navneteweyî de sûcê herî giran ê serdema nûjen li dijî Kurdan dikin û got, “Divê desv ji vê hevkarî were berdan û ji bo parastina Rojava têkevin tevgerê.”
– Nivîskar Nîdal Hawarî diyar kir ku êrîşên li ser Rojava “ne ji rêzê ne, parçeyek ji stratejiya gerdûnî ne” û got, “Gotinên Rojavayî ya li ser demokrasî û mafên mirovan tenê bûye xeml û rewş. Tenê misogeriya rastîn a Kurdan berxwedana wan e.”
– Jinan bertek nîşanî êrîşên çeteyên cîhadîst ên HTŞ’ê ku girêdayî hikûmeta demkî ya Sûriyeyê ne û ji aliyê Tirkiyeyê ve tê piştgirîkirin ên li ser destkeftiyên gelê Kurdên li Rojava, dan û peyama “Rojava navê azadî û wekheviya jinan e û tu carî ne bê xwedî ye“ dan.
– Parlamenterê DEM Partiyê Omer Faruk Gergerlîoglu diyar kir ku piştî êrîşên li ser Rojava, hin derdorên Îslamî yên li Tirkiyeyê hatine asta ku HTŞ û DAÎŞ’ê biparêzin û got, “Hestên li dijî Kurdan bûne nexweşiyeke kûr.”
– Tevî ku êrîşên çeteyên HTŞ’ê yên girêdayî hikûmeta demkî ya Sûriyeyê li ser Rojava berdewam dikin jî, Siyasetmedarên Îngilîz bang li hikûmeta Îngiltereyê, dewletên din û civaka navneteweyî kirin ku li dijî vê yekê têkevin tevgerê.
– Senarîst Onder Çakar ê ku li Komuna Fîlman a Rojava perwerdehiyê dide diyar kir ku tevî ku êrîşên HTŞ’ê berdewam bikin jî Rojava, bi taybetî jî Kobanê di bin dorpêçê de ye û sivîl di bin xetereyek cidî de ye û got ku elektrîk, av û ragihandin li bajêr hatine qutkirin.
– Parlamenterê ekolojîst ê Fransî Damien Girard diyar kir ku êrîşên li ser sivîlên li Rojava binpêkirineke eşkere ya hiqûqa şer e û anî ziman ku ewlehiya Kurdan şertê aştiyeke mayînde ye.
– Waliyê Silêmaniyê Heval Ebubekir diyar kir ku yekîtiya gelê Kurd û Kurdistanê li dora Rojava xaleke werçerxê ye, û got ku ji bo aştiyê “berxwedan şert e”.
