Komeleyê da zanîn ku di encama hevdîtinên li gel zarokan hatine kirin de binpêkirinên giran ên weke tundiya fîzîkî, ferzkirina lêgerîna tazî û kêmxwarin hatine tespîtkirin.
Endama Komîsyona Girtîgehê ya Navendî ya ÎHD’ê Mehtap Sert diyar kir ku ji 19 zarokên ku ji Wan û Şirnexê hatine sewqkirin 3 jê hatine berdan û di hevdîtina li gel 16 zarokên din de gelek binpêkirinên mafan hatine tespîtkirin.
Mehtap Sert ragihand ku zarok ji pêvajoya qebûlkirinê ya girtîgehê ve bi tundiya fizîkî û ya devkî re rû bi rû mane, lêgerîna tazî li wan hatiye ferzkirin û ji ber kêmxwarinê bi pirsgirêkên tenduristiyê re rû bi rû mane. Mehtap Sert destnîşan kir ku li girtîgehê xizmetên piştgiriya derûnî kêm in û daxwazên wan ên tenduristiyê jî bi derengî tên xistin.
Mehtap Sert da zanîn ku li girtîgehê daxwazên zarokan ên ji bo kurs û çalakiyên civakî tên redkirin û di warê xwegihandina amûrên paqijiyê de bi pirsgirêkan re rû bi rû dimînin.
Mehtap Sert xwest ku demildest dawî li binpêkirinên mafan bên.
