Berdevka Tevgera Jinên Kurd a Ewropayê (TJK-E) Ayten Kaplan, di nirxandina xwe ya çarçoveya salvegera Banga Aşitî û Civaka Demokratîk ya Rêber Apo de têkildarî paradîgmaya azadiya jinan, tecrûbeya Rojava û çalakiyên biboneya 8’ê Adarê li Ewropayê tên lidarxistin ji ANF’ê re axivî. Ayten Kaplan diyar kir ku azadiya jinan di avakirina civaka demokratîk de dînamîka sereke ye.
Ayten Kaplan anî ziman ku pênaseya Rêber Apo ya têkildarî jinan a weke ‘’hêza herî mezin û perçeyê herî azadîxwaz a entegrasyona demokratîk’’ xwe dispêre rastiyeke dîrokî û civakî û got ku civaka demokratîk dikare bes di pêşengtiyan jinan de were avakirin.
‘VEGUHERÎNA CIVAKÎ LI GEL PÊŞENGTIYA JINAN PÊKAN E’
Ayten Kaplan di destpêka axaftina xwe de anî ziman ku jin weke dîrokî ragirên civakûbûn, parvekirin û hesta edaletê ne got ku di 30-40 salên dawîn de nêzîkatiya pergala kapîtalîst a ferdparêzî û nîhîlîst belav bûye û têkiliyên civakî lawaz kirine.
Ayten Kaplan diyar kir ku bi taybetî jî li Ewropayê ferdparêziyê zirar daye vehûna civakîbûnê û ev yek anîn ziman: ‘’Pergal şexsan mezin dike lê belê civakê perçe dike. Têkiliyên malbatî qut dibin û civakîbûn lawaz dibe. Halbûkî dîroka mirovahiyê di nava civakên klan û qebîleyan de pêş ket. Hêza ku j civakîbûnê ji nû ve ava bike jin e. Azadî nayê keremkirin tê standin. Nabe ku zilam ji aliyê mêran ve were dayîn. Lê belê divê zilam jî kodên zîhniyeta xwe bişkînin.’’
‘ŞOREŞA JINAN A ROJAVA GERDÛNÎ BÛYE’
Ayten Kaplan piştre da zanîn ku TJK-E tecrûbeya Rojava weke ‘’rewşa şênberbûyî ya paradîgmaya azadiya jinan’’ dibînin û got: ‘’Jina bes şer nekir; civak birêxistin kir, di nava siyasetê de cih girtin û di jiyana çandî û civakî de pêşengtî kirin. Tecrûbeya Rojava ev yek nîşan da: Di pêşengtiya jinan de civakeke demokratîk pêkan e.’’
Ayten Kaplan di dewama axaftina xwe de bal kişand ser çalakiyên TJK-E’yên ku wê di navbera 1-10’ê Adarê de li Ewropayê werin lidarxistin û anî ziman ku êdî 82ê Adarê bes bi têkoşîna kedê re sînordar nîne û veguheriye têkoşîna naskirina hebûn û îradeya jinan.
Ayten Kaplan di dawiya axaftina xwe de diyar kir ku çalakiyên 8’ê Adarê armanc dikin ku wicdanakolektîf a raya giştî ya demokratîk xuya bike û banga têkoşîna hevpar li jin û mêran kir, têkoşîna azadiya jinan dînamîka sereke ya veguherîna civakî ye û got: ‘’Divê her jina birêxistî jina nebirêxistî jî birêxistin bike.’’
