Di çarçoveya rêzeçalakiyên 8`ê Adarê de, Kongra Star li bajarê Tirbespyê mûm li ser gorên şehîdan vêxist û li Çilaxa jî çalakiyek li dar xist.
Li bajarê Tirbespiyê, dayîkên şehîdan û endamên jin ên saziyên civaka sivîl li pakrewangeha şehîd Dilşêr ya gundê Dugirê mûm li ser gorên şehîdan pêxistin.
Li bajarê Çilaxa jî kongra Star li navenda bajêr çalakiyek li dar xist. Bi dehan jin beşdar bûn.
Piştî deqeyk rêzgirtin mûm hatin vêxistin, piştre endama Kongra Star Nezha Sêfedîn Roja Jinan a Cîanê li hemû jinan pîroz kir.
Nezha di axaftina xwe de xwest ku zext li hikumeta demkî were kirin da ku dîlgirtiyan serbest berde û soza berdewamkirina têkoşîna bi durişma “jin Jiyan Azadî” da.
