Hêzên Parastina Jinan ya Rojhilatê Kurdistanê (HPJ) têkildarî 8’ê Adarê Roja Jinên Kedkar ya Cîhanê peyamek da.
Di peyama bi sernava bi dirûşma ‘Jin, Jiyan, Azadî Keziyên Şoreşê Dihunîn’ hate diyarkirin ku 8’ê Adarê Roja Jinên Kedkar ya Cîhanê bi têkoşîn, nirx û xwîna hezaran sal ya jinan şekilgirtiye û ev hate gotin: “8’ê Adarê ji bo me jinan roja berxwedanê ya li ser bingehê felsefeya ‘Jin, Jiyan, Azadî’ mîsogerkirina azadiya fîzîkî ya Rêber Apo ye. Vê rojê li hemû jinên azadîxwaza, Rêber Apo ku di nava tecrîdê de ye ku bandora wî li ser têkoşîna azadiya jinan heye pîroz dikîn.”
Di dewama peyamê de ev hate gotin: “Şerê Cîhanê yê Siyemîn li herêmê di asteke xurt de dewam dike. Bê guman jin û zarok ji hemûyan zêdetir bandor dibe. Jinên Rojhilatê Kurdistanê û Îranê bi salane helwesta xwe ya xurt li dijî desthilata Îranê nîşan daye. Ew qet radestî yasa û qedexeyên zorê yên ji aliyê hikûmetê ve hatî ferzkirin nebûne. Me vê helwesta redîkalî di Şoreşa ‘Jin, Jiyan, Azadî’ de zêdetir zelal dît. Di vê şoreşê de jinan zêdetir piştgiriya ji hêza xwe girtî, derbên xurt li peykerê îdeolojî ya Hikûmeta Îranê da. Yek ji nimûneya din serhildana cemawerî ya Çileya îsal bû. Rejîma Îranê ya serî li tundî û bêdenkirinê ya li hemberî jin û mêrên azadîxwaz da. Sûcekî mezin kir. Van sûcan kir ku Hikûmeta Îranê rêzdayîna xwe ya li nava hemû gelên Îranê de ji dest bide.
Li hemberî îdeolojiya serdest ya baviksalarî, olperestî û nîjatperestiya civakî jin xistiye nava çarçoveyek yasaya kevneperest. Rêxistineke yekgirtî û berfireh ya jinên Îranê pêwîste. Li aliyê din pêwîstî jin mekanîzayeke xweparastinê hebe li dijî êrişên dirinde yên desthilatê. Ji bo di şert û mercên şer de avakirina komîteyên xweparastin û xwerêxistinkirina jinan. Pêwîstiyeke nebe nabe ye. Jinên Rojhilatê Kurdistan û Îranê nîşan dan ku ne bê alternatifin. Di her şert û mercekê de dikarin bi pêşengtiyên afrênerî, pêşengtiya civakê bikin û di vê mijarê de jî xwedî ezmûn û destkeftiyên zêde jî hene.
Em Hêza Parastina Jinan (HPJ) ya jinên Rojhilatê Kurdistan û Îranê daxwaz dikîn ku jin li dorî hev kom bibin û piştgirî û yekîtiyeke bi hêz ava bikin. Bê guman ruhê 8’ê Adarê û soza hatina biharê, destpêkeke dîrokî ya nû ye ji bo jinan ya ji bo xurtkirina asta têkoşîna jinan. Ev yek dîrok û pêwîstiyeke nebe nabe ye. Mîna kur Rêber Apo dibêje; ‘Sedeya 21’ê sedeya azadî ye û bê azadiya jinan civak azad nabe.’ Dem dema azadiya jinê ye ya ji bin desthilatdariya mêrserwer. Berxwedan û têkoşîna jinan çavkanî û hêza esasî ya tevgera azadîxwaziyê ye. Jin bi moral û hêza berxwedana xwe dikarin bibin tovê esasî yê Cviaka Demokratîk û Azad ya Rojhilatê Kurdisatan û Îranê. Li ser vî bingehî em bi dirûşma ‘Jin, Jiyan, Azadî’ Keziyên Şoreşê Dihunin’ pêşwazî li 8’ê Adarê dikîn û piştgirîdayîna bi hêz û rêxistina xwe gav ber bi azadiyê ve davêjin.”
