Yekîtiya Hawirdekar û Hinardekarên Herêma Kurdistanê têkildarî vekirina deriyên sînorî yên navbera Herêma Kurdistan û Îranê de daxuyaniyek da.
Di daxuyaniyê de hatiye diyarkirin ku ji ber alozî û rewşa şer piştî demek ji sekinînî tevgera bazirganiyê, biryare di çend rojên bê de deriyên sinorî yên navbera Herêm û Îranê de ji bo bazirganiyê bên vekirin. Hatiye gotin ku niha rewş ber bi asayîbûnê ve diçe.
Hatiye diyarkirin di çarçoveya biryara hatî dayîn de roja 8’ê Adarê deriyê Şuşmê ya li Tewêle û duh êvarê (9’ê Adarê) jî deriyê Seyranben hatine vekirin.
Di daxuyaniyê de hatiye eşkerekirin ku di rojên borî de tenê deriyê Başmax vekirî mabû û niha rojane zêdetirî 500 barhilgirên tije kelûpel ji Îranê derbasî Herêma Kurdistanê dibin.
Her wiha hatiye gotin ku tê pêşbînîkirin di çend rojên bê de wê deriyên sinorî yên navdewletî yê Hacî Omeran û Perwêzxan ji bo bazirganiyê bên vekirin.
Hêjayî gotinê ye piştî Amerîka û Îsraîlê êrişî Îranê kir, Îranê tevayî deriyên xwe yên sinorî yên li gel Herêma Kurdistanê de girt û şandina kelûpelan ji navxweya Îranê bo derve qedexe kir.
