Serokê Giştî yê Partiya Îslamiya Kurdistan (PÎK) Hikmet Serbilind têkildarî êrîşa mûşekên balîstîk ên li ser Pêşmergeyên Başûrê Kurdistanê daxuyaniyeke nivîskî da.
Daxuyaniya PÎK’ê wiha ye:
“Îro danê sibê (24’ê Adara 2026’an), ji aliyê dewleta Îranê ve êrîşeke hovane ya bi mûşekên balîstîk li ser baregehên Hêzên Pêşmerge yên li devera Soran (nêzîkî sînorê bakur-rojhilatê Hewlêrê) pêk hat. Di encama van êrîşan de 6 Pêşmerge şehîd bûn û nêzîkî 30 kes jî birîndar bûn. Bila cihê Pêşmergeyên şehîd bihuşta rengîn be. Em ji Xwedê Teala ji bo pêşmergeyên birîndar şîfaya bilez û temam dixwazin.
Dewleta Îran û rejîma molayan bi vî awayî kîna xwe ya jehrîn li dijî gelê Kurd vedirêjin û êrîşên hovane didomînin. Yekîtiya gelê Kurd û berxwedana Pêşmerge li her perçeyê Kurdistanê tirsê dixe dilê dagirkerên Kurdistanê. Ev êrîş tenê hêrsa me zêdetir dike û biryara me ya ji bo parastina axa xwe xurtir dike.
Em bi tundî vê êrîşa rejîma molayên qatil şermezar dikin. Em daxwaz ji Xwedayê dilovan dikin ku cihê Pêşmergeyên şehîd bihuştê be, sebra mezin bide malbatên wan û şîfa xêrê bide birîndaran. Serê malbatên şehîdan û tevahiya gelê Kurd sax be.
Bila Xwedê gelê me ji her êş û dagirkeriyê biparêze.”
