Çalakiya nobetê ya li Wargeha Penaberan a Şehîd Rûstem Cûdî (Mexmûr) di 20’ê Tîrmeha 2023’an de ji bo azadiya fîzîkî ya Rêber Apo hatiye destpêkirin, di roja 1005’an de bi koma 195’an bi îradeyek xurt didome.
Merasîm dewrgirtina çalakiya nobetê li Saziya Malbatên Şehîdan a Mexmûrê bi deqeyek rêzgirtin ji bo giyanê tevahî Şehîdên Azadiya Kurdistanê destpê kir. Piştî rêzgirtinê çalakvanê koma 194’an Qedrî Şirîşeyî axivî.
Qedrî Şirîşeyî balkişand li ser çalakiya nobatê ya ku li wargehê ji bo azadiya fîzîkî ya Rêber Apo bi biryardariyek xurt berdewam dike û wiha got: “Ev sê salin em li vir vê nobetê digirin, em bi vê çalakiya xwe dixwazin balbikişîn ser rewşa Rêbertî û ji bo azadiya fîzîkî ya Rêberiya xwe dengê xwe bilind bikin. Ji bo ku pêngava duyemîn ya vê pêvajoyê bi serkeftî bi encam bibe pêwîste demildest li Tirkiyê yasa bên guhertin û sazûmaniyek nû li Tirkiyê were çêkirin. Ji bo ku Rêber Apo rolê xwe yê di vê pêvajoyê de bileyîze divê di zûtirîn dem de Rêber Apo were azadkirin. Di roja îro de pirsgirêka gelê Kurd ya ku bi sedsalan berdewam dike niha li ber serkeftinê ye.”
Piştî gotinên Qedrî Şirîşeyî bi dirûşmeyên ‘Bê Serok Jiyan Nabe’ û ‘Bijî Serok Apo’ koma nû çalakî dewir girt.
