Li navçeya Pîrmam a girêdayî parêzgeha Hewlêrê cenazeyê jin û mêrekê û hevjîn bûn û ji aliyê kurên wan ve hatine qetilkirin û mehekê di malê de veşartine hatin dîtin.
Her wiha eşkere bû ku dayik û bav ji aliyê kurên wan ve hatine kuştin û cenazeyên wan di mala xwe de bi qasî mehekê veşartine. Her wiha ciwanek din jî hatiye kuştin ku kuştina wî jî peywendî bi bûyerê re heye.
Ji bilî bûyera kuştina dayik û bav ji aliyê kurên wan ve, îro di saetên sibehê cenazeyê ciwanekê (20) ku gule lê ketibû rakirin nexweşxaneya Pîrmam. Piştre cenaze ji bo otopsiyê rakirina Tiba Edlî ya Hewlêrê.
Her wiha hate zanîn îro ciwaneke din bi birîndarî rakirin nexweşxaneya Pîrmam û piştî destwerdana destpêkê rakirin nexweşxaneya Hewlêrê. Lê ya balkêş ewe ku ciwanê birîndar rakirine nexweşxaneyê bi kuştina dayik û bavê xwe û her wiha bi kuştina ciwanê îro di saetên sibehê de hatiye kuştin tê tometbarkirin.
Li gorî agahiyan, hêzên ewlehiyê ji bo eşkerekirina hûrgiliyan û sedema kuştina her sê kesan li ser bûyerê lêpirsîn dane destpêkirin.
