13 keşîşên Budîst ên ku piraniya wan ji Teksasa DYE’yê ne, ji Perestgeha Dambulla ya li navenda Srî Lankayê ber bi paytext Kolomboyê ve dest bi meşeke pêxwas kirin.
Keşîş tevî şert û mercên dijwar ên bi germahiya tropîkal a ku digihîje 40 dereceyî ji bo peyama “ji bo hemû zindiyan aştî” bidin dest bi meşê kirin. Kûçikê bi navê Aloka ku li Hindistanê hat rizgarkirin û navdar bûye bi keşîşan re dimeşe.
Koma ku beşdarî meşê dibe ji hêla keşîşê Viyetnamî Bhikkhu Pannakara ve tê rêvebirin. Keşîşena di destpêka vê salê de li DYE’yê 3 hezar 700 kîlometre meşiyan û di qada navneteweyî de tên nasîn.
Welatiyên herêmî yên Srî Lankayê piştgiriyê dide keşîşan. Welatiyên ku ji bo sarkirina asfaltê li ser rê avê dirijînin, pelên mûz û kulîlkan datînin û bi rêzdarî meşvanan silav dikin.
Ji bo meşê tedbîrên ewlehiyê hatine girtin û ji bo parastina Aloka leşker û polîs jî bi keşîşan re dimeşin.
Meşa ku li ser medyaya dîjîtal gihîştiye bi mîlyonan şopîneran, tê payîn ku di 28’ê Nîsanê de li Kolomboyê bi dawî bibe û meşvan ji hêla Seroka Srî Lankayê Anura Kumara Dissanayake ve were pêşwazîkirin.
