Çalakvanê siyasî û rojnamevan Şêrwan Şêrwanî, di 22’yê Nîsanê Roja Rojnamevaniya Kurdî de dest bi greva birçîbûnê kir. Çalakvanê siyasî û hevalê rojnamevan Şêrwan Şêrwanî, Îbrahîm Ebas di daxuyaniya dayî de ev tişt anî ziman: “Ji ber binpêkirinên qanûnê di pênc salên girtina wî de, ji ber hemû nêzîkatiyên neyasayî yên li wî tên kirin de, di 22’yê Nîsanê de heval û birayê me rojnamevan Şêrwan Şêrwanî di roja Roja Rojnamevaniya Kurdî dest bi greva birçîbûnê kir.
Daxwaza Şêrwan Şêrwanî daxwazek fermî û yasayî bû, ku tê de wî destûra rûniştinê, serbestberdana bi merc û mafê veguhestina bo Silêmaniyê xwest, di demekê de ku ev maf ji bo her girtiyekî li Herêma Kurdistanê heye, ji bilî Şêrwan Şêrwanî.”
Çalakvan Ebas wiha berdewam kir: “Zextên li ser rêveberiya girtîgehê rûtînek çêkiriye, mafên qanûnî yên Şêrwanî wekî mehkûm û girtiyek nayên hesibandin.
Îro salvegera 128’an a derketina yekem rojnameya Kurdî; rojnameya KURDISTAN’e. Rojnamevan Şêrwan Şêrwanî ji pênc salan zêdetir di girtîgehê de ye û cezayê wî bi biryarên siyasî hatiye dirêjkirin.”
