Li gundê Çewlîga Şeman a li navçeya Kanîreşê ya Çewlîgê ji bo şehîd Piling Elî Varto (Mûstafa Aksoy) taziye hate danîn.
Parlamenterê DEM Partiyê yê Çewlîgê Omer Farûk Hulaku, Parlamentera Dersimê Ayten Kordû, endam û rêveberên DBP û DEM Partiyê yên navçeyê, rêveberên MEBYA-DER û gelek kes ji şêniyên navçeyê serdana taziyeyê kirin.
Parlamenter Ayten Kordû li taziyeyê axivî û ji bo bidawîkirina şer û tundiyê bang kir.
Ayten Kordû got, “Ji bo dilê ti dayikan neşewite, ji bo careke din cenaze neçe ber derê ti malan em têdikoşin.”
Hate ragihandin ku sibe wê li navçeya Çêrme ji bo şehîd Azîme Delîl (Yasemîn Goze) taziye bê danîn.
Li Çewlîg û Kanîreşê serdanên ji bo malbatan wê dewam bikin.
