Serokê Dewletên Yekbûyî yên Emerîkayê (DYE) Donald Trump roja Yekşemê daxuyaniyek da û Serokdewletê Ûkraynayê Volodimir Zelenksiy sûcdar kir ku naxawze şerê bi Rûsyayê re biqedîne.
Trump li ser hesabê xwe yê Truth Social daxuyaniyek da û got, “Naxwaze vî şerî biqedîne û dibe ku qet nexwestiye biqedeîne.” Serokê DYE’yê îdîa kir ku ew dixwaze şer biqede.
Ji ber ku rêveberiya Trump xwe nade ber pêkanînên nû yên li ser Rûsyayê nêrînên cuda yên navbera Washington û Kievê, rageşiya navbera herdu welatan careke din kete rojevê.
ZELENSKIY BI NÛNERÊN DYE’YÎ RE AXIVÎ
Serokdewletê Ûkraynayê Zelenskiy jî roja Yekşemê ragihand ku bi nûnerên DYE’yî Steve Witkoff û Jared Kushner re bi telefonê axiviye.
Zelenskiy piştî axaftinê daxuyaniyek da û anî ziman ku tîmên herdu welatan di nava danûstandinê de ne û hewl didin şer bi dawî bikin. Zelenskiy ragihand ku Ûkrayna hewl dide piştgiriya DYE’yê dewam bike, Washington di vê demê de helwesteke xurt nîşan bide.
Zelenskiy di parvekirina xwe ya li ser medya dîjîtal de diyar kir ku têkildarî êrişên Rûs, pêwîstiya bi parastina hewayî bi rêk û pêk agahiyan dide hevkarên xwe. Destnîşan kir ku di mijara parastina hewayî ya Ûkraynayê de helwesta DYE’yê diyarker e.
NÎQAŞA PARVEKIRINA ÎSTÎXBARATÊ
Zelenskiy ji televîzyona NBC a Emerîkî re jî axivî û got, parvekirina îstîxbaratê ya DYE’yê piştî qutbûna ji sê rojî jinûve destpê kiriye.
JI PUTIN PÊŞNIYARA CIVÎNA BILIND A SÊALÎ
Di vê navberê de rojnameya Wall Street Journal a DYE’yê li gorî agahiyên ji çavkaniyên nêzî mijarê nûçeyek weşand û diyar kir ku Serokdewletê Rûsyayê Vladimir Putin ji bo nirxandina peymaneke ku şerê li Ûkraynayê bi dawî bike pêşniyara lidarxistina civîneke bilind a bi beşdariya Trump û Serokdewletê Çînê Şi Cinping kiriye.
