AMED: Li ber Bîrdariya Mafên Mirovan a li Parka Koşuyolu ya navçeya Rezan a Amedê çalakiya 869’an hate lidarxistin û çîroka Wahit Narîn hate pirsîn ku 3’yê Cotmeha 1992’yan li navçeya Pasûr a Amedê ji aliyê leşkeran ve hate înfazkirin û bi cenazeyê wî re otela wî hate şewitandin.
Daxuyanî piştî çalakiya rûniştinê bi dawî bû.
ÊLIH: Di hefteya 705’an de li ber Bîrdariya Mafên Mirovan a li Cadeya Gulistan çalakî hate lidarxistin. Di çalakiyê de aqûbeta Yilmaz Gumuş hate pirsîn ku 21’ê Cotmeha 1993’yan dema 17 salî li Taxa Yeşîltepe ya li navenda Êlihê hate windakirin.
Daxuyanî bi çalakiya rûniştinê bi dawî bû.
COLEMÊRG: Li Kolana Hunerê ya navçeya Gever a Colemêrgê xizmên windayan bi wêneyên xizmên xwe yên hatine windakirin û bi pankarta “Bila winda bên dîtin, faîl bên darizandin” hatin ba hev. Di çalakiyê de aqûbeta Feysel Aslan hate pirsîn ku sala 1994’an ji aliyê leşkeran ve hate qetilkirin.
Daxuyanî piştî çalakiya rûniştinê bi dawî bû.
