Li gorî agahiyan di 23’yê Adarê de Skala Heso ya xelkê navçeya Koye ya ser bi Hewlêrê û nişteciha Hewlêrê, bi awayekî bi guman şewitî bû. Piştî bûyerê Skala rakiribûn nexweşxaneyê, lê tê gotin îro ji ber rêjeya zêde ya şewatê, Skala jiyana xwe ji dest daye.
Li gorî şahidên nêzî bûyerê, Skala zewicî bû û zarokek wê hebû. Tê gotin piştî demek ji ber pirsgirêka bi hevserê xwe re, li mala dayika xwe ya Koyeyê dima. Li gorî agahiyan hevserê Skala xwestiye zarok ji Skala bistîne, lê Skala ev yekê qebûl nedikir. Lê hevserê wê her tim israr dikir ku zarok bistîne û metirsî li ser Skala çêbike.
Şahidên bûyerê dibêjin, hevserê Skala gelek caran dijî Skalayê tundî bi kar aniye.
