Nedîm Yilmaz ku li Girtîgeha Tîpa F a bi Ewlekariya Bilind a Boluyê tê ragirtin û 32 sal in di girtîgehê de ye, ji hêla Desteya Îdare û Çavdêriyê ve cara 8’an hate astengkirin. Yilmaz, di 18’ê Tebaxa 1993’yan de hate binçavkirin û Dadgeha Ewlekariyê ya Dewletê (DGM) cezayê muebbetê lê birî. Cezayê Yilmaz di 29’ê Tîrmeha 2023’yan de xelas bû.
Tehliyeya Yilmaz ji wê dîrokê ve 7 caran ji hêla Desteya Îdare û Çavdêriyê ve dihat taloqkirin. Desteyê di 28’ê Gulanê de der heqê Yilmaz de nirxandin kir û got ku cezayên disiplînê yên Yilmaz nînin û biryara “ji hêla şiklî ve başhal e” da. Desteyê ji hêla esasê ve jî nirxandin kir û bi hinceta cezayên disiplînê yên di demên berê de jê re hatibûn dayin û mayina Yilmaz a li qawîşa girtiyên di heman çarçoveyê de hatine girtin, biryara “Poşman nîne” da. Desteyê berdana Yilmaz heta 3’yê Îlona 2025’an taloq kir. Bi vê biryarê re berdana Yilmaz cara 8’emîn hate taloqkirin.
