Meclisa Jinan a Jiyan wê di navbera 6 û 8’ê Adarê de ji bo 8’ê Adarê Roja Jinan a Cîhanê rêze bernameya ku tê de pêşandana fîlman, meş û çalakiyên çandî hene li dar bixe.
Meclisa Jinan a Jiyan a li Londonê xebatên xwe dmeşîne wê di navbera 6-8’ê Adarê de bi dirûşmeya “Rojava warê jinên azad e; em ê biparêzin!” ji bo hevgirtina jinan xurt bike bernameyek berfireh kir. Meclisa Jinan wê îsal balê bikşîne ser girîngiya yekîtiya jinan, parastina nasnameya çandî û hevgirtina navneteweyî.
Meclisa Jinan a Jiyan, diyar kir ku têkoşîna rizgariya jinan ne tenê lêgerîna mafan e, di heman demê de avakirina jiyaneke azad e û destnîşan kir ku rêxistina kolektîf a jinan bersiva herî xurt a li hember pergala serdest a mêran e.
ÇALAKÎ WÊ BI PÊŞANDANA FÎLM DEST PÊ BIKE
Çalakiya 8’ê Adarê ya li Londonê wê 6’ê Adarê roja Înê bi pêşandana fîlm dest pê bike.
Di çarçoveya bernameya ku ji hêla Meclisa Jinan a Jiyan ve hatî organîzekirin de, fîlma “Çîroka Jiyan: Şoreşa Jinan” wê 6’ê Adarê roja Înê saet 18:00’an de li Navenda Civaka Kurd a li navnîşana 11 Portland Gardens, Haringey, London N4 1HU were pêşandan. Fîlma ku A. Halûk Unal derhênerya wê kiriye, li ser şoreşa jinên Rojava û têkoşîna rizgariyê disekine. Piştî pêşandanê wê li ser têkoşîna jinan nîqîş werin kirin.
JINÊN KURD WÊ BEŞDARÎ MEŞA MILLION WOMEN RISE BIBIN
Jinên Kurd reng û nasnameya xwe ya cihêreng wê beşdarî meşa “Bi Milyonan Jin Serî Radikin (Millon Women Rise) ku 7’ê Adarê li Navenda Londonê dest pê bike, bibin.
Meş û mitînga 2026’an wê 7’ê Adarê roja Şemiyê di çarçoveya pîrozbahiyên Roja Jinan a CÎhanê de pêk were. Meşa ku wê li navenda Londonê were lidarxistin, jin wê dengê xwe li dijî tunidya mêran, newekhevî û qetilkirina jinan bilind bikin. Meclisa Jinan a Jiyan jî wê bi nasname, reng û dirûşmeyên jinên Kurd beşdarî meşê bibe.
DI 8’Ê ADARÊ DE ÇAND, HUNER Û HEVGIRTIN BI HEV RE NE
8’ê Adarê roja Yekşemê wê saet di 13:00’an de, bernameya sereke ya Kurdish Community Centre were lidarxistin, wê muzîk, reqs, helbest û çalakiyên pêşangehê bên pêşkêşkirin.
Performansên muzîkê yên Sûna Alan û Ayşe & Gulan, Koroya Erbaneyê ya Jinên Kurd stranan bibiêjin, defîleya cilên çandî û kevneşopî, bi gerandina govendû wê performansek def û zurneyê bê pêşkêşkirin, helbest bên xwendin, pêşangeh wênekêşiyê û axaftinên hevgirtinê yên dostên enternasyonalîst di bernameyê de cih digirin. Her wiha, di çarçoveya çalakiyê de wê standên ku xwarinên kevneşopî yên Kurdî yên ji hêla jinan ve hatine amadekirin, cilên destçêkirîb û cilên kevneşopî nîşan didin, were danîn.
Meclisa Jinan a Jiyan diyar kir ku 8’ê Adarê rojek e ji bo xurtkirina têkoşîna hevpar a jinan û hevgirtina bi jinên li çaraliyê cîhanê, nemaze yên li Rojava ye. Meclisê tekez kir ku parastin û berfirehkirina destkeftiyên şoreşa jinan berpirsiyariya hevpar a hemû jinan e û hemû jin û gelan vexwendin çalakiya hevgirtinê ya di bin dirûşmeya “Jin, jiyan, azadî” de were lidarxistin.
