Wezareta Tenduristiyê ya Xezeyê ragihand ku di êrîşa li ser nexweşxaneyê de 5 jê rojnamevan herî kêm 20 kes jiyana xwe ji dest dan û bi dehan kes jî birîndar bûne. Li gorî wezaretê, pêşî bi “droneke xwekuj” qatên jor ên nexweşxaneyê hatiye armanckirin. Piştre, rojnamevan û xebatkarên tenduristiyê yên ku ji bo alîkariya birîndaran û şopandina êrîşê çûbûn cihê bûyerê, di bombardûmana duyemîn de hatin armanckirin. Wezaretê êrîşa li ser “yekane nexweşxaneya giştî” ya li başûrê Xezeyê şermezar kir.
Kanala televîzyonê ya El Cezîreyê ragihand ku di êrîşê de nûçegihanê wan Ehmed Ebû Azîz jî jiyana xwe ji dest daye. Kanalê piştî mirina wênegirê wan Mihemed Selame anîbû ziman ku “di nav 23 mehan de li Xezeyê qirkirineke bênavber tê kirin” û ragihand ku tevî astengkirina ketina saziyên medyayê jî ew ê weşana zindî berdewam bike.
Di êrîşeke din a 10’ê tebaxê de rojnamevanê El Cezîreyê Enes El-Şerîf jî di nava şeş rojnamevanên din jiyana xwe ji dest dabûn.
