Cenazeyê gerîlayê HPG’ê Îslam Çelîk (Dilsoz Sarya) ê ku 11’ê Tebaxa 2019’an li navçeya Kemah a Erzînganê di pevçûnekî de şehîd bû, piştî 6 salan radestî malbata wî hate kirin.
Cenazeyê Çelîk di encama testa DNA’yê de hate tespîtkirin. Malbata wî duh cenazeyê şehîd ji goristana bêkesan a li Erziromê wergirt û anî navçeya Mîdyad a Mêrdînê. Di saetên derengî şev de destûr hate dayîn ku cenaze bikeve navçeyê. Xizmên Çelîk û rêveberên MEBYA-DER’ê cenaze pêşwazî kirin.
Cenazeyê Çelîk li Goristana Sofiya ya li navçeyê, hate veşartin. Di axaftinên li merasîmê hatin kirin de, sersaxî dan malbatê.
Malbat wê li Mîdyadê sersaxiyan qebûl bike.
