Meclisa Malbatên Şehîdan a bajarê Dirbêsiyê yê kantona Cizîrê merasîma cenaze yê şervanê QSD’ê Şiyar Dirbêsiyê (Newres Selman) li Pakrewangeha Şehîd Rustem Cûdî ya li gundê Berkevirê li dar xist.
Bi sedan şênî, tevî endamên meclisan, saziyên sivîl, tevgerên jin û ciwanan û partiyên siyasî û hêzên leşkerî beşdarî merasîmê bûn.
Merasîm bi deqeyeke rêzgirtin dest pê kir. Piştre endamê Meclisa Malbatên Şehîdan a Dirbêsiyê Silêman Xelîl axivî. Xelîl piştî sersaxî ji malbata şehîda re xwest got: “Em li Bakur û Rojhilatê Sûriyeyê rû bi rûyê şaneyên herî hovane li cîhanê ne ku destekê ji dewleta Tirk a dagirker digirin. Armanca şaneyan ew e ku ewlehiya herêmê û jiyana aştiyane têk bibin.”
Silêman Xelîl got, ew ê şopdarên rêya şehîdan û felsefeya Rêber Apo bin.
Endamê Meclisa Leşkerî ya Amûdê Rohat Sîno jî anî ziman ku QSD’ê ji bo azadî, rûmet û aştiyê têkoşînê dikin.
Rohat Sîno di dawiya axaftina xwe de soza şopandina xeta şehîdan da.
Bi navê malbata şehîd Şiyar, pismamê wî Mihemed Ednan jî axivî û diyar kir ku şehîd ji bo parastina welatê xwe û bidestxistina jiyaneke azad û bi rûmet canê xwe feda kir.
Piştre nasnameya şehîd hat xwendin û pêşkêşî malbata wî hat kirin.
Cenazeyê şehîd bi tilîliyên dayikan û dirûşmên dilsoziya bi şehîdan re hate veşartin û berxwedana QSD’ê hate silavkirin.
Şiyar Dirbêsiyê 10’ê kanûnê (2025) li kantona Dêrazorê di bersivdayîna êrişa şaneyên çeteyên DAÎŞ’ê de şehîd bû.
