Şervanê QSDˊê şehîd Omer El Mûsa di 22ˊyê Îlona 2025ˊan de li bajarê Meskenê yê rojhilatê Helebê dema li ser erka xwe ya leşkerî bû, şehîd bûbû.
Bi sedan xelkê kantona Tebqayê koçberên Efrîn û Şehbayê yên li kantonê dimînin, nûnerên ji Rêveberiya Xweseriya Demokratîk, deste û meclisên girêdayî wê, tevgerên jin û ciwanan, hêzên ewlekarî û leşkerî beşdarî merasîmê bûn.
Hevseroka Desteya Malbatên Şehîdan, Gazî û Dîlgirtiyan a kantona Tebqayê Foza Mihemed di merasîmê de axivî û got: “Şehîd ronahiya rêça azadî û rûmetê ne, her roj li ser vê xaka pîroz em fedakariyên wan ên di oxira parastina welat de nas dikin. Li ser navê Meclisa Malbatên Şehîdan a Tebqayê em sersaxiyê didin malbata şehîd û hevrêyên wî. Em seber û aramiyê ji malbatê re dixwazin. Ji ber ku welatê bêyî bêhna şehîdan tu bêhnxweşa wê tune ye.”
Li aliyekî din jî li ser navê QSDˊê yê kantona Tebqayê berdevk Seqir Curniyê axivî û got: “Em îro li vir kom bûne, ku bi şehîdên xwe yên ku di oxira azadî û rûmetê de canê xwe daye serbilind in.”
Endamê Meclisa Olî ya Kantona Tebqayê Şêx Ebdulqadir El Xelîl axivî û got: Ev şehîd ne tenê kesên ji vê duyayê koç dikin in, lê ew di bîra netewe û wijdana wê de nemir in. Ew in ên ku rêya serbilindî û rûmetê bi fedakariyên xwe ji me re xêz kiriye û îsbat kir ku fedakariya di oxira maf û azadiyê de merteyên bilind in.”
Di dawiyê de wesîqeya şehîd Omer Mihemed hat xwendin û radestî malbatê hate kirin.
