Şehîd Yekta Herekol (Erdogan Kahraman) ji bo nerazîbûna li dijî komploya navneteweyî ya li dijî Rêber Apo li Helebê bedena xwe da ber agir, di çarçoveya Roja Şanoya Cîhanê li Navenda Çand û Hunerê ya Dicle ya bajarê Dêrikê hat bîranîn.
Endamên Tevgera Çand û Hunerê, xizmên şehîdan û şêniyên bajarê Dêrikê beşdarî çalakiyê bûn.
Piştî deqeyeke rêzgirtinê ji bo şehîdan, koma “Şanoya Çiya” şanoyek pêşkêş kir ku têkoşîn û rola şehîd Yekta li dijî rejîmên zordar ên li ser gelê Kurd û xebatên wî di nav Tevgera Azadiya Kurdistanê de nîşan dida.
Şano bi dirûşmeya “Şehîd nemirin” a temaşevanan bi dawî bû.
