Cenazeyê şervanê Hêzên Sûriya Demokratîk (QSD) Mihemed Hemade El Fetah û Hisên Şibil El Sekne li Pakrewangeha Şehîd Dijwar a gundê Dawûdiyê hatin veşartin. Şehîd Mihemed Hemade El Fetah di 1’ê Gulanê de û şehîd Hisên Şibil El Sekne di 29’ê Çileyê de şehîd bûbûn.
Di merasîmê de endama Meclîsa Malbatên Şehîdan Necah Hewas axivî û got: “Şehîd bi wêrekî li hember mirinê sekinî heta gihîşt asta şehadetê, ji ber ku dizanî rûmet nayê kirîn û welat nayên firotin.”
Fermandarê Meclîsa Leşkerî ya Hesekê Salar Hesekê jî fedakariya şehîdan a li hemberî dagirkeriya Tirk û çeteyên wê silav kir û soza domandina têkoşînê û avakirina civakeke azad û edalet dubare kir.
Di dawiya merasîmê de wesîqeyên şehadetê yên herdu şehîdan hatin xwendin û cenazeyên wan bi dirûşmeyên “Şehîd namirin” hatin veşartin.
