Tevgera Civaka Demokratîk (TEV-DEM) îro bi boneya Newrozê daxuyaniyeke nivîskî weşand. Di daxuyaniyê de hate gotin: “Bi boneya cejna Newrozê, cejna azadî, nûjenî û berxwedanê û her wiha cejna Remezanê, cejna dilovanî û lêborînê, Tevgera Civaka Demokratîk gelê me yê Kurd li seranserê Kurdistanê û li hemî gelên herêmê û cîhanê pîroz dike.”
Di daxuyaniyê de her wiha hat gotin: “Em bi vê boneyê em diyar dikirn azadiya fîzîkî ya Rêber Abdullah Ocalan, gaveke bingehîn e ber bi bidestxistina aştî û aramiyê li herêmê, û em daxwaza serbestberdana wî û dayîna mafê wî dikin da ku rola xwe di pêşvebirina çareseriyek dadperwer û demokratîk a pirsa Kurd de bilîze.
Cejna Remezanê nirxên mirovî yên hêja yên lêborîn, hezkirin û hevgirtinê dihewîne. Em hêvî dikin ku ev cejn bibe derfetek ji bo xurtkirina giyanê biratiyê di navbera hemû civakan de û ew ê bibe destpêka qonaxeke aştî û jiyana hevbeş, dûrî nakokî û dabeşbûnê.”
TEV-DEM`ê bang li hemû hêzên neteweyî û demokratîk kir ku hewlên xwe bikin yek û bi hev re ji bo avakirina siberojeke li ser bingeha azadî, edalet û demokrasiyê bixebitin.
