Şêniyên bajar û bajarokên gundewarê kantona rojhilatê Dêrazorê cenazeyên şervanên Hêzên Komandos ên girêdayî QSD’ê Ehmed Hemîd El Minêf û Hemod Ebdulezîz Mihemed ên li herêma Dêr Hafir a gundewarê rojhilatê Helebê şehîd bûbûn, li goristana şehîdan a bajarokê Ebû Hemam bi merasîmekê veşartin.
Li kêlek wê jî merasîma xiyabî ya şervanê QSD’ê şehîd Izedîn Ehmed Etallah ê ku di 7ˋê Kanûnê de li herêma Qoriyê ya Dêrazorê şehîd bûbû û şehîd Mihemed Xêr Salih El Firêh ê li bajarokê Baxozê dema li ser erka xwe şehîd bûbû, hat lidarxistin.
Di merasîmê de hevserokê Meclisa Malbatên Şehîdan Rakan El Firêh axivî û got: “Şehîd sembola ronahiya rêça me ne. Wan di oxira em jiyaneke rûmet bijîn de canê xwe da.”
Her wiha fermandarê Meclisa Leşkerî ya Hecînê Xebat El Şiêtî axivî û got: “Em sersaxiya QSDˋê, tevahî gelê Sûriyeyê û malbatên şehîdan dixwazin.”
El Şiêtî teqezî bi domandina berxwedanê heta rizgarkirina tevahî herêman ji çeteyan da.
Her wiha şervanê Hêzên Komandos Mehmûd Cefra axivî û got: “Em îro li vir 2 lehengên xwe yên ji malbatên me yên welatparêz oxirî vê xaka pîroz dikin.”
Cefra peyameke da çeteyên dewleta Tirk a dagirker û got: “Em îro di demeke bihêz de dijîn. Sonda me bi xwîna şehîdên şoreşger û azadîxwaz, sonda me bi qêrîna her dayikeke şehîd em ê tola şehîdên xwe hilînin û terorê têk bibin.”
Di dawiyê de wesîqeyên şehîdan ji hêla Meclisa Malbatên Şehîdan ve hatin xwendin û radestî malbatên şehîdan hatin kirin.
