Çeteyên girêdayî dewleta Tirk êşkence li kalemêr Bedrî Elî (70) kirin.
Ev bûyer, dema kalemêr erebeya xwe li ser rêya navbera gundê xwe Çiyê û gundê Dîkê yên girêdayî bajarê Raco diajot pêk hat. Çeteyan bi motorsiklêtê rêya wî qut kir û bêyî tu sedeman li kalemêr xistin.
Girêdayî mijarê, çavkaniyekî ji nexweşxaneyek bajêr diyar kir ku piştî şikestin û birînên di laşê wî de kalemêr bi awayekî lezgîn rakirin nexweşxaneyê û rewşa wî pir giran e.
Li gorî şahid û xizmên wî, êrişkar bi êrişên fîzîkî û gotinên xerab bes nedîtin, ji wê zêdetir erebeya wî ya Mazda û pereyên wî dizîn.
Ev sûc, dikeve çarçoveya rêzebinpêkirinên sîstematîk ku çeteyên dewleta Tirk li bajarê Efrînê ji 2018’an ve pêk tînin. Li hember van sûcan bêdengiyeke navneteweyî ya fikar û paşguhkirina rêxistinên mafên mirovan heye.
