Doza ku ji aliyê 23’yemîn Dadgeha Cezayê Giran a Stenbolê ve dihat birêvebirin ya derheqê Rojnamevan Necla Demîr de berdewam dikir ku Demîr bi hinceta ‘’alîkarî daye rêxistinê’’ dihat darizandin.
Rojnamevana ku ji 20’ê Çileyê ve ye rehîn tê girtin, di parastina xwe de diyar kir ku karê rojnamevaniyê tê darizandin.
Rûniştina dozê ji aliyê nûnerên Komeleya Rojnamevanên Jin a Mezopotamyayê (MKG), Komeleya Rojnamevanan a Dîcle Firatê (DFG), DÎSK BASIN ÎŞ û Komeleya Karên Hiqûq û Çapemeniyê (MLSA) ve hate şopandin.
Necla Arvas diyar kir ku wê di bernameya bi navê ‘’Jina Polîtîk’’ de rojnamevanî kiriye û derstwerdana nêrînên beşdarvanên bernameyê nekiriye.
Parêzerê Necla Demîrê jî destnîşan kir ku delîlên di îdîanameyê de weke sûc nehatine dîtin û muwekila wê bes ji ber xebatên xwe yên rojnamevantiyê tê darizandin.
Dadgehê piştî parastinan derheqê Necla Demîr Arvas de 2 sal û mehek cezayê hepsê birî û biryara tehliyeyê da.
