Li gorî nûçeya Ajansa Nûçeyan a Fermî Xinhua, biryar ji aliyê Serokwezîrê Çînê Li Qiang ve li Civata Giştî ya Neteweyên Yekbûyî hate ragihandin.
Tê gotin, Çîn vê gavê weke ‘welatekî mezin ê bi pêş dikeve yê berpirsyar’ diavêje. Dewletên Yekbûyî yên Emerîka (DYE) û Ewropayê demeke dirêj daxwaz ji Pekînê dikirin ku dest ji vê statuyê berde.
Çîn ku duyemîn aboriya herî mezin a cîhanê ye, bi saya vê statuyê ji bo berpirsyariyên xwe yên li pêşberî RBC’ê bi cih bîne xwedî demeke hîn dirêj bû.
Dîrektorê RBC’ê Ngozi Okonjo-Iweala biryar “Ji bo reforma rêxistinê ragihadineke mezin” pênase kir û lîderên Çînê pîroz kir.
Li RBC’ê welat bi îradeya xwe biryarê didin ku sûdê ji statuya welatê bi pêş dikeve werbigire yan na.
Sala 2019’an di dema destpêkê ya Serokê DYE’yê Donald Trump de Brezîlyayê jî ragihandibû ku amade ye dest ji vê statuyê berde.
