‘Komîsyona Demokrasî, Xwişk-Biratî û Piştevaniya Mîllî’ ya li Meclîsê ava bû, civîna xwe ya 5’emîn bi serokatiya Nûman Kûrtûlmûş wê saet di 14:00 de pêk bîne. Di rûniştina destpêkê ya civînê de bi navê Dayikên Şemiyê wê Besna Tosûn, Masîde Ocak Kişlakçi û Îkbal Yarici biaxivin. Piştre jî bi navê Dayikên Aştiyê wê Nezahat Teke, Turkiye Bozkûrt û Rebîa Kiran biaxivin.
Di rûniştina duyemîn a civînê d ewê Hevserokê Giştî yê Komeleya Mafên Mirovan (ÎHD) Huseyîn Kuçukbalaban, ji Desteya Rêveberiya Navendî ya ÎHD’ê Vetha Aydin Yuksel, Hevserokê Şaxê Amedê yê ÎHD’ê Ercan Yilmaz û Serokê Komeleya Piştevaniyê ya ji bo Mazlûman û Mafên Mirovan (Mazlûm-Der) Kaya Kartal wê biaxivin.
Piştre komîsyon wê li Serokê Weqfa Mafên Mirovan a Tahîr Elçî Mahsûm Bati, alîkarê serokê weqfê Erkan Şenses guhdarî bike. Herî dawî jî Serokê Weqfa Alîkariya Mirovî, Azadî û Mafên Mirovan Fehmî Bulent Yildirim û endamê Desteya Rêveber a weqfê Vahdettîn Kaygan wê biaxivin.
