Ciwanên ku beşdarî meşa “Bi azadiya Rêbertî ber bi jiyana azad ve” bûn, ku bi pêşengiya Platforma Ciwanên Welatparêz Demokratîk li Amedê hate lidarxistin, ji ANF’ê re axivîn.
Devrîm Atinkaya dewlet û desthilatdarî rexne kir ku têkildarî pêvajoya aştiyê gavê neavêjin û got, “Daxwaza ciwanên li vê derê azadiya fîzîkî ya Rêberê Gelê Kurd Birêz Abdullah Ocalan e. Di pêvajoya 2015’an de tecrîd hate girankirin. Bi tecrîdê re polîtîkaya şer a li ser Kurdanê zêde bû. Şaredarî hatin desteserkirin, qeyûm lê hatin bicihkirin. Ya rast, sîstema tecrîdê li her qada welêt belav bû. Azadiya Rêberê Gelê Kurd Birêz Abdullah Ocalan daxwaza me ya herî mezin e. Li Tirkiyeyê rastiyeke faşîzmê heye ku mezin dibe. Azadiya fîzîkî ya Birêz Abdullah Ocalan tê wateya avakirina zemîna demokratîk û lawazkirina faşîzmê li welêt.”
‘EM BI DAXWAZÊN XWE LI QADAN E’
Herdem Nergis jî anî ziman ku heta pêkhatina azadiya fîzîkî ya Rêber Apo wê li qadan bin û got, “Têkildarî nêzîkatiyên li Rêber Apo, şerê bi salan e dewam dike, rijandina xwînê û ragirtina Rêber Apo li zindanê em daxwazên xwe nîşan didin. Weke ciwaneke Kurd em dixwazin Rêber Apo êdî azad bibe. Bi dirûşma ‘Jin, Jiyan, Azadî’ em îro bi îdeolojiya Rêber Apo li hev kom bûne. Jin her roj li Tirkiyeyê ji aliyê sîstemê ve bi zanebûn têne qetilkirin. Ji bo em vê rawestînin em li qadan e.”
‘EM ATMOSFEREKE AZAD DIXWAZIN’
Omer Yoldaş Ozbalkan jî diyar kir ku ew hewl didin daxwazên xwe li qadan bidin bihîstin û got, “Armanca me bilêvkirina daxwazên mafdar ên gelê Kurd ê bi salan e. Em ê ji bo azadiya Rêber Apo bimeşin ku salên dûr û dirêj e girtî ye. Rêber Apo divê tavilê azad bibe. Dema ku Rêber Apo azad bû wê aştiya civakî karibe pêk were. Ciwan tenê atmosfereke azad dixwaze û ji bo vê têdikoşe.”
