Şahiya 8’ê Adarê bi deqeyek rêzgirtina ji bo bîranîna şehîdên têkoşîna azadiyê dest pê kir. Piştî rêzgirtinê belfîlma li ser dîroka 8’ê Adarê hat pêşandan.
Seroka Tevgera Jinên Kurd a Moskowê Tara Qadir di şahiyê de axivî û li ser girîngiya dîrokî ya 8’ê Adarê û têkoşîna ku ji hêla jinan ve tê meşandin rawestiya. Tara Qadir Roja Jinên Kedkar ên Cîhanê li hemû jinan pîroz kir.
Hevserokê Otonomiya Çandî û Neteweyî ya Kurdên Rûsyayê Ferhat Patîyev di axaftina xwe Roja Jinên Kedkar ên Cîhanê pîroz kir.
Hunermend Îbo Xadjêv, Sarê Xadjêva, Esmîra Aliyêva, Leyla Mikoyan, Îlîç û Îbrahîm Efrîn bi stranên xwe beşdarî çalakiyê bûn. Koma govendên gelêrî ya Kurdî “Rûken” bi govendên xwe yên folklorîk pîrozbahî geş kir.
Şahî biherandina govendê bi dawî bû.
