Roja pêncşemê nameya hevpar ji Serokatiya COP30 re hate şandin. Di nameyê de hate diyarkirin ku metna taslaka heyî “nayê qebûlkirin” û ev tişt hate gotin, “Bi vê rewşa xwe nikare şert û mercên baweriya asgarî pêşwazî bike.”
Di nameyê de hate destnîşankirin ku ji bo sotemeniyên fosîl bi temamî qonax bi qonax bên terikandin, divê planeke derbasbûnê ya adilane û rêkûpêk li metnê bê zêdekirin.
DI PÊŞNÛMEYÊ DE SOTEMENIYÊN FOSÎL NÎNIN
Li gorî AFP’ê, di pêşnûmeya dawî de ya ji aliyê dîplomatê Brezîlyayî û Serokê COP30 André Correa do Lago ve hatî pêşkêşkirin, navê sotemeniyên fosîl jî derbas nabe. Di lûtkeya li Belém de ku nêzî 200 welat di nav de ne, ev bêdengiya ku erêkirina hemû aliyan dixwaze bû sedemê nerazîbûneke mezin.
Nîqaşa terikandina petrol, komir û gazê, beriya 2 salan di rojeva COP28 a li Dubai de bibû rojev. Li Belém ev mijar car din bû rojev. Ji Serokatiya Dewleta Brezilya Lula jî ji destpêka lûtkeyê û vir ve dibêje, ji bo derketina ji sotemeniyên fosîl “nexşerê” pêwîst e.
Lê belê li gorî çavkaniyeke nêzî muzakereyan Çîn, Hindistan, Siûdî Erebistan, Nîjerya û Rûsya bi rengekî zelal li dijî vê daxwazê derdikeve. Ev rewş, beriya ku lûtke şeva înê bi dawî bibe, lihevkirinê zehmet dike.
