Hevseroka Giştî ya HDP’ê ya berê Fîgen Yuksekdag, Serokê Rûmetê yê HDP’ê Ertûgrûl Kurkçu, Cîgira Hevserokatiya Giştî ya HDP’ê Aysel Tûglûk û siyasetmedar Nazmî Gur, Esat Canan, Adil Zozanî, Halîl Aksoy û Husemaettîn Zenderlîoglû ji doza ku dihatin darizandin, 11’emîn danişîna wan hat dîtin.
Danişîna ku li Dadgeha Cezayê Giran a 2’yan a Colemêrgê hat dîtin de, parlamenterê Partiya Aştî û Demokrasiyê (BDP) ê Agiriyê yê berê Halîl Aksoy ê di Girtîgeha Marmarayê û siyasetmedar Nazmî Gur ê di Girtîgeha Hejmara 2 a Tîpa F a Sîncanê de bi rêya SEGBÎS’ê tevlî danişînê bûn û siyasetmedar Adil Zozanî jî salonê amade bû. Her wiha parêzerên siyasetmedaran jî tev li danişînê bûn.
Ji ber dosyaya siyasetmedar Fîgen Yuksekdag, Ertûgrûl Kurkçu û Husamettîn Zenderlîoglû bi dosyayên dozên din re hatibû tefrîkkirin, beşdarî danişînê nebûn.
Piştî parastinan dadgehê biryara xwe eşkere kir. Dadgehê bi îdiaya “propagandaya rêxistinêkirine” 7 sal û 6 meh ceza li Adil Zozanî, 7 sal û 6 meh li Halîl Aksoy, 6 sal li Aysel Tûglûk û 6 sal jî li Nazmî Gur birî.
Her wiha der barê Esat Canan de jî biryara beraetê hat dayîn.
Dadgeha Tirk 27 sal ceza li 4 siyasetmedaran birî
Siyasetmedar Aysel Tûglûk, Halîl Aksoy, Nazmî Gur û Adil Zozanî bi îdiaya "propagandaya rêxistinê kirine” bi giştî 27 sal cezayê girtîgehê li wan hat birîn.
Nirxandinek Bike
Nirxandinek Bike
Me Bişopîne!
Tu dikarî li ser gelek platforman rûpelên me bişopînî.
