Federasyona Elewiyên Demokratîk (FEDA) û Yekîtiya Jinên Elewî ya Demokratîk (DAKB) têkildarî komkujiyên li Sûriyeyê yên li dijî Elewiyan daxuyaniyeke hevpar dan.
Di daxuyaniyê de hat gotin, “Em nehêlin Yezîd, Kerbelayeke din bidin bijîn”. Di daxuyaniyê de hate diyarkirin ku ji dema Sûriye ji aliyê çeteyên HTŞ’ê yên girêdayî DAÎŞ’ê ne hatiye dagirkirin, Elewî bi komkujiyeke sîstematîk re rû bi rû ne. Di daxuyaniyê de hat bibîrxistin ku bertek têra rawestandina komkujiya li ser Elewiyan nakin û hişyariya qirkirina li ser Elewiyan kirin û wiha hate gotin: “
“Herêmên ku Elewî lê dijîn bi êrîşên çeteyên HTŞ, SMO û DAIŞ’ê re rû bi rû ne. Çawa ku di demên dawî de li dijî Êzidiyan hat kirin, niha li ber çavê cîhanê rbi eşkereyî qirkirin tê kirin. Ev êrîşên qirkirinê yên ku rasterast ji aliyê HTŞ û SMO’yê ve li dijî Elewiyan hatine destpêkirin, bi armanca tinekirina Elewiyan e.
Em êrîşên çeteyên DAÎŞ’ê bi tundî û bi kîn û nefret şermezar dikin, em vê berxwedana xweparastinê ya ku ji aliyê Elewî yên Ereb, dayik, xwişk û ciwanên Sûriyeyê silav dikin û piştgiriyê didin. Divê îro em dakevin qadan da ku em vê qirkirina li ser giyanên me yên Elewî yên Ereb rawestînin û piştgirî bidin berxwedana wan a xweparastinê û bi awayekî zelaltir piştgiriya xwe nîşan bidin.”
