Dayikên / Mirovên Şemiyê ji bo aqûbeta xizmên xwe yên di bin çavan de hatine windakirin û qetilkirin bipirsin û ji bo darizandina faîlan, li Qada Galatasarayê hatin ba hev û çalakiya xwe ya hezar û 46’an lidar xistin.
Dayikên Şemiyê qurnefîl û wêneyên xizmên xwe yên di bin çavan de hatine windakirin, hilgirtin. Di çalakiya vê hefteyê de hate xwestin ku faîlên Omer Olker bên darizandin. Omer Olker ê bavê 2 zarokan, di 15’ê Nîsana 1994’an de ji bo girtina malzemeyê çû dikana berberê, piştre winda bû û piştre jî cenazeyê wî hate dîtin.
Di çalakiyê de ji Komîsyona Li Dijî Windayên Di Bin Çavan De ya Komeleya Mafên Mirovan Sebla Arcan metna çapemeniyê xwend.
Çalakvanan qurnefîl danîn Qada Galasarayê û piştre çalakî bi dawî bû.
